Сяргей Антусевіч: Дзяржпрафсаюз не абараніў сваіх работнікаў

Супрацоўнікі прадпрыемстваў, на якіх прадстаўленыя незалежныя прафсаюзы, своечасова і ў поўным аб'ёме атрымліваюць зарплату.

Пра гэта заявіў намеснік старшыні Беларускага кангрэсу дэмакратычных прафсаюзаў (БКДП) Сяргей Антусевіч, каментуючы charter97.org нявыплату заробку за студзень рабочым завода «Каммаш».

«Што датычыцца існавання дадзенай праблемы на іншых прадпрыемствах Беларусі, то ў апошні час у БКДП з такімі пытаннямі ніхто не звяртаўся. Дзіўна, што рабочыя гэтага завода маўчалі на працягу двух месяцаў і заявілі аб сваёй праблеме толькі падчас праверкі камітэта дзяржкантролю», - адзначыў прафсаюзны дзеяч.

Ён падкрэсліў, што ў падобных сітуацыях трэба звяртацца да наймальніка і ў Дэпартамент інспекцыі працы адпаведнага раёна або вобласці.

«Натуральна, праблема яшчэ і ў тым, што супрацоўнікі гэтага прадпрыемства з'яўляюцца членамі дзяржаўнага прафсаюзу, які ў патрэбны момант не ўстаў на абарону рабочых. Калі б там быў прадстаўлены БДКП у асобе незалежнага прафсаюзу, то не існавала б праблем з тэрмінамі выплаты ўзнагароды, якая, да таго ж, была б нават вышэй, чым цяпер», - сказаў на заканчэнне Сяргей Антусевіч.

Нагадаем, рабочыя асіповіцкага завода «Каммаш» паскардзіліся на затрымку выплаты заработнай платы за студзень бягучага года.