Вуліца Чавеса з'явіцца ў Каменнай горцы
162- 7.03.2013, 11:55
З такой прапановай выступіў старшыня Менгарвыканкама Мікалай Ладуцька.
Па словах Мікалая Ладуцькі, такое рашэнне было б правільным, улічваючы, «як шмат зрабіў прэзідэнт Венесуэлы для беларускага народа», піша БелТА.
Старшыня Менгарвыканкама лічыць, што імя венесуэльскага лідэра магла б насіць адна з вуліц мікрараёна Каменная Горка. Як ён адзначыў, «высокі госць падчас аднаго з візітаў у Беларусь наведваў дом-новабудоўлю №31 па вуліцы Казіміраўская».
«Раён развіваецца, яшчэ не ўсе вуліцы тут атрымалі назву, і назваць адну з іх імем гэтага вялікага чалавека будзе па-чалавечы і гістарычна правільна. Але гэта толькі мой пункт гледжання, рашэнне прымае гарадскі «савет дэпутатаў», - адзначыў Мікалай Ладуцька.
Ён сёння пакінуў запіс у кнізе спачуванняў, адкрытай у сувязі са смерцю Уга Чавеса ў амбасадзе Венесуэлы ў Менску.
Уга Чавес памёр на 59-м годзе жыцця 5 сакавіка. Прадугледжваецца, што пахаванне венесуэльскага лідэра адбудуцца 8 сакавіка.