Экс-міністр абароны Украіны прызначаны амбасадарам у Беларусі

Прэзідэнт Украіны Віктар Януковіч прызначыў экс-міністра абароны Міхаіла Яжэля амбасадарам Украіны ў Беларусі.

Адпаведны ўказ падпісаны ў сераду, паведамляе сайт украінскага прэзідэнта.

Іншым указам прэзідэнт звольніў Яжэля  з пасады свайго дарадцы.

Нагадаем, 26 лістапада 2012 года Віктар Януковіч звольніў з пасады амбасадара Віктара Ціханава ў сувязі з выбраннем яго народным дэпутатам у Вярхоўную Раду ў кастрычніку мінулага года.

Ціханаў быў прызначаны амбасадарам Украіны ў Беларусі 22 жніўня 2011 года. Раней ён займаў пасаду віцэ-прэм'ера - міністра рэгіянальнага развіцця, будаўніцтва і ЖКГ.

Да Ціханава пасаду амбасадара Украіны ў Беларусі займаў Раман Бяссмертны (з лютага 2010-га па чэрвень 2011 года).