12 жнiўня 2022, Пятніца, 12:31
Сім сім, Хартыя 97!
Рубрыкі

У Севастопалі расейскія вайскоўцы разбурылі апаратуру ЗРК Украіны

10
У Севастопалі расейскія вайскоўцы разбурылі апаратуру ЗРК Украіны

Расейскія войскі разбурылі аб'екты ў зенітна-ракетным палку на Фіяленце ў Севастопалі.

Мінулай ноччу расейскія войскі разбурылі аб'екты ў зенітна-ракетным палку на Фіяленце ў Севастопалі. Пра гэта ў акаўнце ў «Фэйсбуку» паведаміў начальнік крымскага медыя-цэнтра Міністэрства абароны Уладзіслаў Селязнёў, піша liga.net.

«Яшчэ адна ноч мінула. Ноч супрацьстаяння: сілавога, інфармацыйнага, душэўнага. Рускія войскі разбурылі аб'екты ў зенітна-ракетным палку на Фіяленце ў Севастопалі. Частка заблакаваная, разбітая апаратура кіравання, стартавыя пазіцыі ракет пад кантролем расейскіх войскаў», - напісаў ён.

«Што рабілася ў Еўпаторыі вы бачылі ў стужках. Акрамя нас, вайскоўцаў, цітушкі і, за іх спінамі, трыкалорныя зялёныя чалавечкі блакуюць і прадстаўнікоў СМІ. Ох як не любяць яны, калі паказваюць іх сапраўдную сутнасць і ўчынкі», - адзначае Уладзіслаў Селязнёў.

«З нагоды праўдзівасці інфармацыі. Нескладана заўважыць, што прапагандысцкая машына РФ дае збоі і тое, што яны называюць хлуснёй, аказваецца праўдай», - дадаў Селязнёў.

Нагадаем, у Крыме за мінулую ноч некалькі ўкраінскіх частак падвергліся нападу. 1 сакавіка Савет Федэрацыі РФ ухваліў увод войска Расеі ва Украіну. Раней за адпаведнай санкцыяй да Савета Федэрацыі звярнуўся расейскі прэзідэнт Уладзімір Пуцін, матывуючы гэта «экстраардынарнай сітуацыяй» ва Украіне.

Фота: Reuters