29 сакавiка 2024, Пятніца, 15:01
Падтрымайце
сайт
Сім сім,
Хартыя 97!
Рубрыкі

МЗС Расеі незадаволены самітам «Усходняга партнёрства»

14
МЗС Расеі незадаволены самітам «Усходняга партнёрства»

Масква разглядае мерапрыемства як антырасейскае.

Расея адмоўна ставіцца да правядзення ў траўні ў Рызе саміту «Усходняга партнёрства», мерапрыемства мае відавочна антырасейскую накіраванасць, заяўляюць у расейскім МЗС, паведамляе «Інтэрфакс».

«Вельмі адмоўна ставімся. Мы, вядома, будзем сачыць за тым, як будзе праходзіць саміт у Рызе, але ўжо відавочна, што нашая рэакцыя будзе дастаткова жорсткай і прынцыповай, бо мы бачым, куды рухаецца гэта партнёрства, і якія адценні яно набывае з улікам пазіцый удзельнікаў гэтай праграмы з боку , перш за ўсё Еўрапейскага Звязу», - заявіў афіцыйны прадстаўнік МЗС РФ Аляксандр Лукашэвіч на брыфінгу ў Маскве ў пятніцу.

«Прынцыпова тое, што сэнс партнёрства мае яскрава выяўленую антырасейскую накіраванасць», - падкрэсліў ён.

Латвія, якая старшынюе ў ЕЗ, правядзе ў Рызе саміт «Усходняга партнёрства» 21 і 22 траўня.

«Усходняе партнёрства» - праект Еўрапейскага Звязу, які асноўнай заяўленай мэтай мае развіццё інтэграцыйных сувязяў Еўразвязу з шасцю краінамі былога СССР: Украінай, Малдовай, Азербайджанам, Арменіяй, Грузіяй ды Беларуссю.

Асноўнымі прыярытэтамі рэформаў у краінах-партнёрах і іх супрацоўніцтва з ЕЗ названыя наступныя галіны: дэмакратыя, удасканаленне сістэмы кіравання і забеспячэнне стабільнасці; эканамічная інтэграцыя і канвергенцыя з галіновай эканамічнай палітыкай ЕЗ, уключаючы стварэнне зон свабоднага гандлю; энэргетычная бяспека; развіццё кантактаў паміж людзьмі (лібералізацыя візавага рэжыму і ўзмацненне барацьбы з незаконнай міграцыяй).

Напісаць каментар 14

Таксама сачыце за акаўнтамі Charter97.org у сацыяльных сетках