Пуцін і Асад сустрэліся ў Сочы
25- 21.11.2017, 10:59
- 22,393
Перамовы доўжыліся цэлы дзень і скончыліся заявай што да Сірыі.
Прэзідэнт РФ Уладзімір Пуцін у Сочы сустрэўся з сірыйскім калегам Башарам Асадам, паведамляецца на сайце Крамля. Перамовы прадаўжаліся чатыры гадзіны паведамляе ria.ru.
Расейскі кіраўнік падкрэсліў, што «барацьба з тэрарызмам» у Сірыі блізкая да заканчэння. Пра развязанне гэтай задачы абвесцяць «самым найбліжэйшым часам». Пры гэтым, са слоў Пуціна, агмені тэрарызму яшчэ будуць узнікаць.
«Так што праблем з тэрарызмам яшчэ дастаткова і ў свеце, і на Блізкім Усходзе, і ў Сірыі, у тым ліку», - дадаў ён.
Асад перадаў Пуціну падзяку «ад усяго сірыйскага народа».
Палітычнае ўрэгуляванне
Пуцін адзначыў, што цяпер галоўнае - перайсці да палітычнага ўрэгулявання. Ён аддаў належнае таму, што Дамаск гатовы працаваць з усімі, хто хоча міру і стабільнасці.
Асад пацвердзіў, што Дамаск адкрыты да дыялогу. Аднак, з ягоных слоў, іншыя краіны не павінны ўмешвацца ў сірыйскія палітычныя працэсы. У гэтым Дамаск разлічвае на дапамогу Масквы.
Акрамя таго, кіраўнікі абмеркавалі будучы кангрэс народаў Сірыі, які пройдзе ў Сочы.
Падчас сустрэчы Пуцін таксама прадставіў Асада кіраўніцтву Мінабароны і Генеральнага штаба РФ.