МАК пазбавіў Расею першага месца ў камандным заліку Алімпіяды ў Сочы
10- 24.11.2017, 17:28
- 17,275
Допінгавыя скандалы каштавалі расейскай нацыянальнай камандзе першага месца ў камандным заліку.
Камісія МАК пад кіраўніцтвам Дзяніса Освальда прызнала вінаватымі ў парушэнні антыдопінгавых правілаў расейскіх бабслеістаў Аляксандра Зубкова і Вольгу Стульневу, а таксама канькабежцаў Вольгу Фаткуліну і Аляксандра Румянцава, піша rbc.ru.
Усе чацвёра пажыццёва адхіленыя ад удзелу ў Алімпіядах, іх вынікі на Гульнях-2014 у Сочы ануляваныя.
Праз скасаванне вынікаў Зубкова Расея страціла два залатыя медалі. У двойках Зубкоў перамог разам з Аляксеем Ваяводай. Цяпер золата атрымаюць швэйцарцы Біт Хэфці і Алекс Баўман. Срэбра дастанецца амерыканцам Стывэну Холкамбу і Стывэну Лэнгтану. Холкамб у траўні 2017 года памёр ва ўзросце 37 гадоў. У ягонай крыві былі выяўленыя алкаголь і снатворнае. Бронзу атрымаюць расейцы Аляксандр Кас’янаў і Максім Бялугін.