Дэпутаты Еўрапарламента пратэставалі ў Брусэлі супраць БелАЭС
1- 24.11.2017, 18:42
- 16,387
Да пратэстоўцаў далучыліся актывісты з розных краін Еўропы, уключаючы Беларусь.
Перад будынкам Еўрапарламента ў Брусэлі прайшоў пікет супраць будаўніцтва ў Беларусі АЭС.
Пра гэта сайту Сharter97.org паведаміў грамадскі актывіст Дзяніс Казакевіч, які ўзяў удзел у акцыі пратэсту.
Ініцыятарам мерапрыемства выступіў еўрадэпутат ад Літвы Петрас Аўштравічус. Да пратэстоўцаў далучыліся актывісты з розных краін, у тым ліку Беларусь. Актывісты трымалі плакаты «Cтоп Астравец!» і «Cтоп Чарнобыль!»:
- Гэта пасланне не толькі Лукашэнку, але і ўсім еўрапейскім чыноўнікам. Мы хочам заявіць, што гэта не толькі праблема Літвы, гэта праблема ўсяго Еўрапейскага Звязу. Мы гэта так не пакінем, - заявіў еўрадэпутат ад Літвы Аўштравічус.
Нагадаем, што ў Брусэлі праходзіць саміт краін-удзельніц ініцыятывы Еўразвязу «Усходняе партнёрства».
23 лістапада беларуская дыяспара ў Бэльгіі правяла акцыю пратэсту супраць рэжыму Лукашэнкі, удзельнікі якой заявілі аб недапушчальнасці перамоў ЕЗ і дыктатара.
24 лістапада прайшла акцыя, мэтай якой стала нагадаць грамадскасці пра зніклых беларускіх палітыкаў і журналістаў.