ІС: У «ЛДНР» прыбывае па 300 грузавікоў беларускай кантрабанды ў дзень

Пастаўкі ажыццяўляюцца праз тэрыторыю Расеі.

Звесткі групы «Інфармацыйны Супраціў» апублікаваныя на сайце sprotyv.info.

У зоне АТА на Данбасе адзначаецца рэзкая актывізацыя рэйдавых груп пяхоты праціўніка і дыверсійна-разведвальных груп (як «змешаных» - мясцовыя баевікі і расейскія найміты, так і штатных ДРГ спецназа ГРУ ГШ УС РФ). На шэрагу ўчасткаў на працягу гэтага тыдня адзначаецца актыўнае вядзенне праціўнікам радыётэхнічнай разведкі, а таксама правядзенне мерапрыемстваў радыёэлектроннай барацьбы (РЭБ) шляхам пастаноўкі перашкод у радыёсетках і «глушэння» асобных прыёма-перадаючых прылад (станцый), аж да асобных мабільных тэлефонаў

Расейскія куратары спрабуюць папулярызаваць дзейнасць новага кіраўніцтва «ЛНР» (Л. Пасечнік) сярод насельніцтва падкантрольных Украіне тэрыторый Луганскай вобл. шляхам актывізацыі ў рэалізацыі т.зв. «Гуманітарнай праграмы ўз'яднання народа Данбаса». Між іншым, «дзяржаўны банк ЛНР» атрымаў сродкі ад КБ «Міжнародны разліковы банк» (Паўднёвая Асеція, старшыня праўлення - Васіль Шадзян) для аплаты існых расходаў на рэалізацыю гэтай праграмы. Так, на яе інфармацыйную падтрымку выдзелена 618 тысяч руб., розныя выплаты грамадзянам у рамках «гуманітарнай праграмы» - 4,9 млн. руб., рэалізацыю «інтэграцыйных мерапрыемстваў» у рамках праграмы - 395 тыс. рублёў.

ПАО «Луганскі хіміка-фармацэўтычны завод» (г. Луганск, кантралюецца «часовай адміністрацыяй ЛНР», кіраўнік П.Асауленка) працягвае спробы запуску вытворчасці лекавых прэпаратаў з мэтай іх далейшай рэалізацыі як на тэрыторыі, падкантрольнай «ЛНР», так і за яе межамі. Цяпер кіраўніцтва завода спрабуе праз ЗАТ «Знешгандальсервіс» і «Мінпрамгандаль ЛНР» ажыццявіць увоз з РФ неабходных для тэхналагічнага цыклу прэкурсораў.

Камерцыйнымі структурамі Рэспублікі Беларусь, транзітам праз РФ, праз зачыненыя Украінай у 2014 годзе пункты пропуску «Ізварын», «Далжанскі» і «Чэрвонапартызанск» ажыццяўляецца сістэматычны кантрабандны ўвоз на тэрыторыю «ЛДНР» партый падакцызных харчовых тавараў, вырабаў лёгкай прамысловасці і інш. Агульная колькасць кантэйнеравозаў беларускай рэгістрацыі, якія выгружаюцца на цэнтральным кантэйнерным участку ў г.Луганску, складае блізу 300 аўтамабіляў у дзень.