Украінскі дэсантнік прыкінуўся расіянінам і выведаў пазіцыі акупантаў

Ворагі нічога не западазрылі.

Баец 79-й асобнай дэсантна-штурмавой Таўрычнай брыгады Яўген з пазыўным «Марячок» падчас аднаго з баявых выхадаў здолеў перэхітрыць акупантаў, выдаўшы сябе за расійскага вайскоўца. Як паведамляе «Главком», гісторыю штурмавіка брыгада распавяла ў сацыяльных сетках.

Падчас руху па тэрыторыі ўкраінскія байцы нечакана натыкнуліся на расійскага вайскоўца. Каб не раскрыцца і выйграць час, Яўген хутка выключыў радыёсувязь і перайшоў на рускую мову. Ён заявіў акупанту, што, маўляў, ідзе з суседняга лесу разам з пабрацімам і быў вымушаны пераапрануцца ў форму ЗСУ, бо іхняя згарэла.

«Я выключыў сваю рацыю, перайшоў на рускую мову, кажу: «Так і так. Вось мы ідзём з таго лесу, пераапрануліся ў іхнюю форму, бо наша згарэла». Так мы з ім пагаварылі», — успамінае Марячок.

Каб развеяць любыя падазрэнні, баец завёў нязмушаную размову: папрасіў у праціўніка цыгарэту і вады. Акупант нічога не западазрыў і нават спрабаваў перасцерагчы «сваіх» ад украінскіх беспілотнікаў. Да таго ж ён выдаў размяшчэнне іншых расійскіх пазіцый у пасадцы.

Атрымаўшы патрэбную інфармацыю, штурмавікі аператыўна адышлі ў сховішча, выйшлі на сувязь з камандаваннем і перадалі каардынаты ворага для паражэння беспілотнікамі.

Паводле слоў Марячка, расіяне на гэтым участку былі зняможаныя, без нармальнай сувязі і досведу. Звесткі, атрыманыя дзякуючы вайсковай хітрасці, дазволілі байцам 79-й брыгады паспяхова выканаць задачу і замацавацца на пазіцыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com