Відэафакт: У Менску кіроўца выратаваў пешахода, падставіўшы сваё аўто пад удар
42- 9.12.2017, 15:37
- 81,865
Годная ўвагі сітуацыя адбылася ў Менску.
А рэакцыя кіроўцы сіняга «Рэно Логана» і ягоныя паводзіны ў незвычайных абставінах, безумоўна, вартыя павагі, піша nn.by.
Кіроўца «Логана» стаяў у другой паласе на вуліцы Аэрадромнай і чакаў, пакуль састарэлы пешаход пяройдзе дарогу да канца. Крайняя правая паласа ў гэты час была вольная, і па ёй імкліва пад'язджала «Мазда». Кіроўца гэтага аўтамабіля бачыў перад сабой зялёнае святло і не збіраўся спыняцца. Магла адбыцца трагедыя.
Каб яе прадухіліць, кіроўца «Логана» выкруціў стырно, «заблакаваў» суседнюю паласу і заціснуў тормаз. Калі б кіроўца «Мазды» і не паспеў затармазіць, дык ударыў бы ў суседні аўтамабіль, а не ў чалавека. На шчасце, аварыі ўдалося пазбегнуць.