26 чэрвеня 2017, панядзелак, 13:37

Былой прэзідэнтцы Паўднёвай Карэі выстаўленае абвінавачванне ў карупцыі

4
ПАК КЫН ХЕ
ФОТА: РІА НОВОСТИ

Пак Кын Хе, адхіленай ад пасады прэзідэнткі Паўднёвай Карэі, выстаўленыя афіцыйныя абвінавачванні.

Былой прэзідэнтцы Паўднёвай Карэі Пак Кын Хе выстаўленае афіцыйнае абвінавачванне ў карупцыі. Былую кіраўніцу дзяржавы таксама абвінавачваюць у злоўжыванні службовым становішчам, ціску на буйныя кампаніі і разгалашэнні дзяржаўнай таямніцы, паведамляе «Немецкая волна» са спасылкай на пракуратуру ў Сеуле.

Пак Кын Хе быў абвешчаны імпічмент 10 сакавіка на фоне скандалу аб карупцыі. Праз два тыдні пасля гэтага яе арыштавалі.

Сутнасць абвінавачванняў

Былую прэзідэнтку Паўднёвай Карэі абвінавачваюць у тым, што яе сяброўка Чхве Сун Сіль, выкарыстоўваючы свае сяброўскія сувязі з кіраўніцай дзяржавы, прымушала паўднёвакарэйскія кампаніі да шматмільённых ахвяраванняў нібыта на карысць дабрачынных арганізацый. Акрамя таго, на думку пракуратуры, Пак Кын Хе аказвала ціск на буйныя кампаніі, у тым ліку Hyunday і Posco, абяцаючы даваць дзяржаўныя замовы фірмам, звязаным з Чхве Сун Сіль. Пак Кын Хе абвінавачваюць і ў тым, што яна дазваляла сваім сябрам умешвацца ў дзейнасць урада краіны.

Замешаны ў карупцыйным скандале таксама канцэрн Samsung. Яго фактычнага кіраўніка Лі Чжэ Ена падазраюць у хабарніцтве, растраце і дачы ілжывых паказанняў. Паводле звестак пракуратуры, Samsung у 2015 годзе падпісаў кантракт на 18 млн даляраў з зарэгістраванай у Нямеччыне кампаніяй, якая належыць Чхве Сун Сіль.

Гэтыя сродкі былі выстаўленыя ў якасці падзякі за падтрымку зліцця двух філіялаў канцэрна (Cheil Industries і Samsung S&T), якую пад ціскам прэзідэнцкай адміністрацыі аказаў дзяржаўны пенсійны фонд NPS.