19 сакавiка 2024, aўторак, 14:40
Падтрымайце
сайт
Сім сім,
Хартыя 97!
Рубрыкі

Гарадзенскі біскуп: Ідзіце адважна па шляхах нашай Айчыны

Гарадзенскі біскуп: Ідзіце адважна па шляхах нашай Айчыны
Язэп Станеўскі

Гарадзенскія рыма-каталіцкія іерархі звярнуліся з велікодным віншаваннем.

Сёлета праваслаўныя, каталікі, грэка-каталікі і пратэстанты адзначаюць Вялікдзень адначасова. Апошні раз гэтая царкоўная дата супадала ў прадстаўнікоў усіх хрысціянскіх канфесій у 2010 годзе, перадае «Радыё Рацыя».

З велікодным віншаваннем звяртаюцца гарадзенскія рыма-каталіцкія іерархі. Ардынарый Гарадзенскай дыяцэзіі, яго эксцэленцыя біскуп Аляксандар Кашкевіч у сваім звароце да людзей нагадвае пра тое, што Уваскрэсенне Хрыстовае паказала праўду нашага жыцця і бязмежную любоў Хрыста да чалавека.

Гэта тая самая любоў, якая была нам аб’яўлена на дрэве крыжа, сёння прамаўляе да нас ля пустога гроба. Дзейсніцца цуд уваскрэсення, як піша святы Павел: «Калі ж мы памерлі з Хрыстом, то верым, што і жыць будзем з ім, ведаючы, што Хрыстос, які ўстаў з мёртвых, ужо не памірае. Смерць ужо не мае над ім улады».

Уваскрослы Хрыстос заўсёды з намі. У кожнай справе. У хваробе, мучаніцтве, радасці нараджэння і смерці. Пра гэта кажа дапаможны біскуп Гарадзенскай дыяцэзіі Язэп Станеўскі ў сваім звароце.

Ідзіце адважна па шляхах нашай Айчыны, каб сустрэць другога чалавека. А ў другім чалавеку – Хрыста. Каб параіць і дапамагчы. Каб прабачыць і зразумець. Каб чыніць дабро. Не бойцеся чыніць дабра. Дабро заўсёды ў выніку пераадольвае зло. Са святам вас, дарагія браты і сёстры! Хрыстос уваскрос! Сапраўды ўваскрос! Алілуя.

Яго эксцэленцыя біскуп Язэп Станеўскі нагадаў у сваім віншаванні пра важны юбілей, які хрысціяне ўсяго свету сёлета адзначаюць: стагоддзе аб’яўлення Маці Божай у Фаціме.

Напісаць каментар

Таксама сачыце за акаўнтамі Charter97.org у сацыяльных сетках