Дыктатар пра адукацыю: «Я як былы настаўнік скажу...»

Лукашэнка распавёў пра «загубленых фізікаў» і «надзеі», ускладзеныя на новага міністра адукацыі.

Выпускнік гістарычнага факультэта Магілёўскага дзяржаўнага ўніверсітэта імя А.А. Куляшова Аляксандр Лукашэнка, падзяліўся сваімі назіраннямі аб сістэме адукацыі:

«Я неаднаразова загадваў спрасціць навучальныя праграмы і наблізіць іх да жыцця. Трэба ўлічваць, што праз інтэрнэт вучні маюць доступ да інфармацыі. Але дзіця не можа самастойна думаць і выбраць патрэбную ў гэтай плыні інфармацыю. Школа павінна яго гэтаму навучыць.

Навошта я мяняў міністра? За лета, да новага сезона трэба ўдвая скараціць праграму. Каб за лета настаўнікі знайшлі новыя падручнікі, хрэстаматыі – іх гэтаму ў ВНУ вучылі. Мы можам і новыя кніжкі напісаць. Мы наламалі дроў у матэматыцы і фізіцы – страшна на падручнікі глядзець. Я як былы настаўнік скажу – у дзяцей агіда да гэтых навук. Сёння на фізмат днём з агнём не знайсці хлопцаў. Мы загубілі іх у школе! Мы іх ужо загубілі, мы адштурхнулі. Любую задачу па фізіцы можна прасцей развязаць – не нагарадзілі плот. Радзькоў, вы ж нармальны здаровы чалавек, вы чалавек прэзідэнта. Спрасціце падручнікі. Мне Жарко скардзіцца: каго ў войска браць – усё гарбатыя, са скаліёзам. Няма ў дзяцей часу на спорт, музыку. Дайце нармальныя «падручнікі» па фізіцы.

Вось учора чацвер быў – а дзіця ў мяне а палове на сёмую ўстае. У яго сем урокаў. Я яго пытаюся: як дзень прайшоў? Ён мне кажа: усе на першым уроку спалі, ну і я задрамаў. Бо дзіця ўсё роўна да адзінаццатай па хаце целяпаецца. А потым не высыпаецца.

Мы з дзяцей інвалідаў робім! Няма каго потым у войска заклікаць».

Сharter97.org вядзе анлайн-трансляцыю з выступу дыктатара ў «палатцы».