Яшчэ тром фігурантам «справы патрыётаў» працягнулі тэрміны следства
2- 25.05.2017, 10:37
- 10,222
16 патрыётаў працягвае знаходзіцца за кратамі.
Праваабарончаму цэнтру «Вясна» 24 траўня стала вядома пра працяг абранай меры стрымання ў дачыненні да некалькіх фігурантаў справы «Белага легіёну».
Андрэй Дундукоў, затрыманы 21 сакавіка і знаходзіцца ў СІЗА-1, застанецца пад вартай яшчэ на чатыры месяцы, Уладзімір Фёдараў, затрыманы 29 сакавіка і знаходзіцца ў СІЗА КДБ, застанецца на два месяцы.
На працягу дня з'явілася аналагічная інфармацыя адносна Сяргея Стрыбульскага, які быў затрыманы 21 сакавіка і цяпер знаходзіцца ў СІЗА-1. Яму тэрмін утрымання пад вартай падоўжаны на два месяцы.
Сябры Аляксандра Яўдаха, які быў затрыманы 21 сакавіка і знаходзіцца ў СІЗА-1, апублікавалі ўрывак з яго ліста, у якім ён паведамляе, што 20 траўня быў азнаёмлены з паперамі пра працяг тэрміну ўтрымання пад вартай да 27 ліпеня.
Паводле інфармацыі, якой валодае ПЦ «Вясна», на сённяшні дзень толькі адзін з 16-ці фігурантаў справы «аб падрыхтоўцы масавых беспарадкаў», якія ўтрымліваюцца пад вартай, кіраўнік Менскай гарадской арганізацыі Беларускай сацыял-дэмакратычнай партыі (Народная Грамада) і адзін з прадстаўнікоў Беларускага Нацыянальнага Кангрэсу ў Менску Сяргей Кунцэвіч, не праходзіць у справы, распачатай паводле артыкула 287 КК (Стварэнне незаконнага ўзброенага фармавання).
Як раней стала вядома сайту Charter97.org, палітвязня Cергея Кунцэвіча ў СІЗА катавалі электрычным токам.