Беларусы Канады: Дыялогу з рэжымам не будзе
3- 15.07.2017, 20:04
- 18,248
«Згуртаванне беларусаў Канады» выказала сваю прынцыповую пазіцыю на З'ездзе беларусаў свету.
Валянціна Шаўчэнка з Канады на З'ездзе беларусаў свету агучыла жорсткую пазіцыю Згуртавання беларусаў Канады. Адна з прычын - падзеі 25 сакавіка ў Менску, перадае «Радыё Свабода».
- На З'ездзе я сказала пра тое, што ў той сітуацыі, якая існуе ў Беларусі, мы не бачым магчымасці стасункаў з афіцыйнымі органамі і ўстановамі. Мы ўсёй душой падтрымліваем грамадзянскую супольнасць, мы дапамагалі, дапамагаем і будзем дапамагаць тым, хто змагаецца за новую Беларусь. Патрыёт - гэта не той, хто ціха сядзіць і з усім згаджаецца, патрыёт той, у каго баліць душа за радзіму, гісторыю і мову. У каго баліць душа за тых, хто сядзіць за кратамі, бо гэтага камусьці захацелася.
Для мяне вельмі важна, што патрыёты сёння на волі, чалавечае жыццё - галоўная вартасць, чалавек не павінен марнаваць ніводнага дня свайго жыцця на турму, - распавяла Валянціна Шаўчэнка.