Наколькі кошты ірвануць угору?
3- 19.07.2017, 8:54
- 16,332
Рост грашовай масы можа пагражаць істотным ростам коштаў.
Нягледзячы на вясёлкавыя планы ў інфляцыі, якую, на думку міністра эканомікі Уладзіміра Зіноўскага, можна ўтрымаць у межах 5%, азначыліся негатыўныя тэндэнцыі, якія могуць сур'ёзна перашкодзіць іх ажыццяўленню. Звесткі Нацбанка за 1 паўгоддзе сведчаць пра рост грашовай масы, якая, на думку многіх эканамістаў, можа пагражаць істотным ростам коштаў, спыніць якія ў Нацбанка не хопіць механізмаў.
Ці ўтрымае рэгулятар сітуацыю і якой будзе інфляцыя да канца года?
Сайт «Заўтра тваёй краіны» звяртае ўвагу на насцярожвальныя лічбы другога квартала, згодна з якімі паказнікі актыўнай грашовай масы сур'ёзна павялічыліся. Лішніх грошай у звароце стала больш. Нацбанк спрабуе знізіць эмісію, але з'яўляюцца іншыя чыннікі, якія ўплываюць на сітуацыю.
Рост інфляцыі не тое што не знізіцца, як гэта прагназуе міністр эканомікі, а будзе нават большым, чым запланавана.
Калі яшчэ павялічыцца і наменклатурны націск, тады інфляцыя дасягне больш за 10%.
Эксперты не давяраюць афіцыйным лічбаў адносна інфляцыі, паколькі аб'ектыўна пераправерыць кожны этап складання гэтага індыкатара немагчыма. Статыстыка часта падганяецца пад тое, што хочуць пачуць наверсе.