26 красавiка 2024, Пятніца, 11:17
Падтрымайце
сайт
Сім сім,
Хартыя 97!
Рубрыкі

Хросным ходам па Магілёве прайшліся «убраныя казакі» і «праваслаўныя шансаньё»

56
Хросным ходам па Магілёве прайшліся «убраныя казакі» і «праваслаўныя шансаньё»
ФОТА: MOGILEVNEWS.BY

Да «расейскага свету» далучыўся асабіста мэр Магілёва.

6 жніўня ў Магілёве прайшлі мерапрыемствы ў гонар свяціцеля Георгія Каніскага. Але, як вядома, дзе праваслаўныя мерапрыемствы, там, часцей за ўсё і «казакі». А дзе казакі — там і «Святая Русь». Так адбылося і ў Магілёве.

У дзень 300-сотгоддзя з дня нараджэння свяціцеля Георгія Каніскага ў кафедральным Спаса-Прэабражэнскім саборы Магілёва прайшла літургія, якую служыў мітрапаліт Мінскі і Заслаўскі Павал, nn.by.

На ўрачыстасцях прысутнічала ўся мясцовая наменклатура: старшыня Магілёўскага гарвыканкама Уладзімір Цумараў, старшыня Магілёўскага райвыканкама Анатоль Дуцько з намеснікамі і іншыя.

Пасля заканчэння літургіі з сабора да Архіерэйскага вала прайшоў масавы хросны ход. Другі хросны ход да дома Каніскага ў гэты ж час прайшоў са Свята-Нікольскага жаночага манастыра.

Удзельнічалі ў ім і казакі. Гэта былі «улаховічаўцы» — прадстаўнікі «Беларускага казацтва», якое ўзначальвае Мікалай Улаховіч. Гэта бачна па шаўронах, таксама гэта пацвердзіў прэс-сакратар Магілёўскай епархіі Ілля Сідаровіч.

Але ж не абышлося і без канфузаў.

На дом Каніскага прымацавалі вось такі плакат

На ім Кутузаў і Сувораў, і маршал Жукаў, і адмірал Ушакоў… Падлодка «Курск» і Зоя Касмадзям’янская, Ісус Хрыстос і Мікалай ІІ з сям’ёй, маршал Усцінаў і ўдзельнікі нядаўніх войнаў Расеі…

«Атаман» Улаховіч сказаў, што пра ўдзел ягоных казакоў у мерапрыемствах ён «інфармацыі не атрымліваў, таму без каментароў».

Але ж як сам Улаховіч, так і яго «казакі» вядомыя выключнай праўладнай пазіцыяй і асцярожнасцю ў выказваннях.

Высветлілася, што плакат павесілі госці з Расіі — музыкі з дуэту «Шаг в небо» з Санкт-Пецярбургу. Ангеліна і Сяргей Слабодчыкавы выконваюць «праваслаўна-патрыятычныя» песні.

Ангеліна і Сяргей Слабодчыкавы.

Вось характэрны трэк пад назвай «Данбас»(у якім рыфмуецца Русь і Беларусь, ідзе вайна дабра са злом і ўсё такое).

Увогуле, Слабодчыкавы — тыповыя сучасныя «праваслаўныя патрыёты» з Расіі. Яны лічаць героямі савецкіх генералаў і сумуюць па царскай Русі, радуюцца Пуціну і шчыра вераць, што ва Украіне захапілі ўладу фашысты.

«Слабодчыкавых запрашалі праваслаўныя актывісты, прыхаджане. Але, канечне, гэта ўзгаднялася з епархіяй і ўладамі», — паведаміў «Нашай Ніве» прэс-сакратар Магілёўскай епархіі Сідаровіч.

Напісаць каментар 56

Таксама сачыце за акаўнтамі Charter97.org у сацыяльных сетках