Сувенірны шапік у цэнтры Менска зрабілі больш патрыятычным
6- 26.09.2017, 17:24
- 18,201
З шыльды прыбралі дарэвалюцыйную расейскую арфаграфію, а назву замянілі на беларускую.
Сувенірны кіёск на плошчы Свабоды перайменавалі. Замест шыльды «Павильонъ» цяпер вісіць «Кропка», паведамляе citydog.by.
Нагадаем, што 1 верасня ў Верхнім горадзе запрацаваў інфармацыйны шапік для турыстаў. Вельмі патрэбная справа, толькі вось назва для Менска некалькі дзіўная: «Павильонъ» з няіснай у сучаснай расейскай мове літарай «ер». Кіёск адкрыла арганізацыя «Менгардаведка».
Атрымаць інфармацыю, з чым звязанае перайменаванне шапіка, журналістам не ўдалося: 26 верасня ўпаўнаважанага па каментарах з СМІ супрацоўніка не выявілася на месцы.
«Ер» у Расеі скасавалі яшчэ ў 1918 годзе, але ў шматлікіх расейскіх гарадах яе выкарыстоўваюць ці то для экзатычнасці, ці, каб паказаць прыхільнасць да гістарычных каранёў.