У Літве выпрацавалі план байкоту электраэнэргіі з БелАЭС

Мінэнэргетыкі Літвы ўнясло ў парламент план захадаў для блакавання электраэнэргіі з Астравецкай АЭС.

У сувязі з тым, што Літва дамагаецца, каб будаўніцтва Беларускай АЭС (БелАЭС) у Астраўцы вялося з выкананнем патрабаванняў бяспекі і міжнародных стандартаў, літоўскія ўлады маюць намер абмяжоўваць каналы праходжання электраэнэргіі з Беларуссю і браць плату за электраэнэргію з суседняй краіны, паведамляе delfi.lt.

Таксама прапануецца забараніць Круоніскай гідраакумулятарнай электрастанцыі (ГАЭС) надаваць паслугі Беларусі. Гэтыя і іншыя захады прадугледжаныя ў выпрацаваным Міністэрствам энэргетыкі праекце плана, прызначаным для абароны ад пагроз, што зыходзяць ад БелАЭС.

Мінэнэргетыкі на мінулым тыдні ўнесла гэты план у парламент. Сярод прапанаваных у плане захадаў - прапанова дамовіцца да другога квартала наступнага года з Латвіяй і Эстоніяй аб спагнанні платы за электраэнэргію з Беларусі і Расеі, калі гэта ўхваліць Еўракамісія (ЕК).

Акрамя таго, да першага квартала 2019 года плануецца дамовіцца з сумежнымі дзяржавамі пра абмежаванні імпарту электраэнэргіі з БелАЭС. Як паведаміла прэс-сакратарка літоўскай энэргакампаніі Litgrid Габрыэле Клусэне, Літва цяпер уносіць плату за прадаваную ў трэція краіны электраэнэргію, аднак у Расеі і Беларусі няма такой платы за экспартаваную ў Літве электраэнэргію.

Такім чынам, гэтая плата будзе запатрабаваная і ў дачыненні да імпартаванай расейскай і беларускай электраэнэргіі. Акрамя таго, прапануецца змяніць правілы выкарыстання электраэнэргіі, каб ГАЭС не магла надаваць паслугі балансавання БелАЭС.

З нагоды магчымасці карыстацца паслугамі ГАЭС Беларусь звярнулася яшчэ ў 2015 годзе - тады Літва адказала, што такой магчымасці няма. Частка захадаў звязаная з сінхранізацыяй электрасістэм Балтыйскіх краін і Заходняй Еўропы. Літва дамагаецца сінхранізацыі праз Польшчу, дамовіцца аб гэтым мяркуецца ў першым квартале 2018 года. У чэрвені літоўскі парламент зацвердзіў у законе, што БелАЭС з'яўляецца небяспечнай і пагражае нацыянальнай бяспецы і экалогіі Літвы, здароўю людзей. Гэтым прававым актам імкнуцца абгрунтаваць абмежаванні на імпарт электраэнэргіі.

У законе прадугледжана, што ўрад павінен падрыхтаваць план абароны ад электраэнэргіі з БелАЭС. Літва заклікае і іншыя краіны рэгіёне падтрымаць байкот электраэнэргіі з гэтай небяспечнай станцыі.