Гамельчукі пра прадукты з зоны адчужэння: Цэзій дагэтуль яшчэ не распаўся да канца
7- 18.01.2018, 17:29
- 20,998
Блізу 1600 гектараў радыяцыйна-небяспечных зямель вярнулі сельскім гаспадаркам.
У Беларусі прыдумалі ноў-хаў: землі ад радыяцыі ў нас «чысцяць» пастановамі. Так, у студзені савет міністраў вярнуў блізу 1600 гектарам радыяцыйна-небяспечных зямель статус зямель абмежаванага гаспадарчага карыстання.
Журналісты гомельскага «Зялёнага партала» выйшлі на вуліцы горада і запыталіся аб меркаванні гамельчукоў з нагоды такіх пастаноў улады.
Ці з'явяцца на стале беларусаў прадукты з былых зон адчужэння? Што думаюць у Гомелі пра такую перспектыву?
- У мяне ёсць знаёмыя, якія баяцца нават гомельскай вытворчасці. Нашай!
- Я думаю, мы і цяпер ужываем гэтую прадукцыю.
- Нельга, вядома! Радыяцыя назапашваецца.
- Цэзій дагэтуль яшчэ не распаўся да канца...
Нагадаем, старшыня сельгаспрадпрыемства «Дубравіца» Галіна Кашчэева ў інтэрв'ю заявіла:
- Я ж пакуль не ведаю, колькі там кюры - да 15, пяці, трох ці двух на квадратны метр. Таму, што будзем там вырошчваць, залежыць ад забруджаных зямлі. Але што б мы ні вырошчвалі, яно ўсё адно пойдзе на корм жывёле.