Прэм'ер-міністр Эфіопіі прызначыў жанчын на палову міністэрскіх пасад
2- 16.10.2018, 21:33
- 9,551
Абій Ахмед заявіў, што жанчыны менш карумпаваныя, чым мужчыны і дапамогуць аднавіць у краіне мір і стабільнасць.
Прэм'ер-міністр Эфіопіі Абій Ахмед прызначыў жанчын на палову міністэрскіх пасад. Тлумачачы сваё рашэнне парламенту, кіраўнік урада заявіў, што жанчыны менш карумпаваныя, чым мужчыны і дапамогуць аднавіць у краіне мір і стабільнасць. Пра гэта паведамляе svoboda.org са спасылкай на BBC.
З новым кабінетам міністраў Эфіопія стала адной з дзвюх дзяржаў у Афрыцы разам з Руандам з роўным гендэрным прадстаўніцтвам ва ўрадзе, адзначае BBC. Гэта - працяг рэформаў Абій Ахмеда, які заняў сваю пасаду ў красавіку 2018 года.
Увосень Эфіопія падпісала мірную дамову з суседняй Эрытрэяй, спыніўшы ўзброены канфлікт, які пачаўся ў 1998 годзе і вызваліўшы тысячы палітычных зняволеных, адзначае The Washington Post.
У новым урадзе жанчыны зоймуць пасады міністра абароны краіны і міністра міру, новай пасадзе, у чые паўнамоцтвы будзе ўваходзіць назіранне за спецслужбамі і сілавымі органамі краіны.
42-гадовы Абій Ахмед - першы мусульманін на пасадзе прэм'ер-міністра Эфіопіі. У красавіку 2018 года ён заняў месца Хайлемарыама Дэсаленя, які пакінуў сваю пасаду на фоне вострага палітычнага крызісу ў рэспубліцы за некалькі месяцаў дагэтуль. Да адстаўкі прэм'ер-міністра прывялі некалькі месяцаў пратэстных акцый і забастовак, якія патрабуюць большых палітычных свабод у краіне, пісаў вясной сайт тэлеканала «Аль-Джазіра».
50% Femmes!!!. Maintien de la parité de genre au sein du remaniement du gouvernement du Premier Ministre de l’ #Ethiopie. Un nouveau elan pour délivrer les reformes .. pic.twitter.com/0mzuIyMkJp
— Mahlet Hailu (@HailuMahlet) 16 октября 2018 г.