19 лiстапада 2018, панядзелак, 15:25
Падтрымайце сайт «Хартыя-97»
Рубрыкі

ЗША ўвялі санкцыі супраць 20 іранскіх кампаній і банкаў

Абмежавальныя захады ўведзены за падтрымку квазівайсковай арганізацыі «Басідж».

Мінфін ЗША абвясціў аб увядзенні санкцый у дачыненні да 20 кампаній і банкаў з Ірана. Абмежавальныя захады ўведзены за падтрымку квазівайсковай арганізацыі «Басідж», падсправаздачнай Корпусу вартавых ісламскай рэвалюцыі (КВІР), паведамляе РБК.

Між іншым, у чорны спіс трапілі банкі Mellat, Parsian Bank, Sina Bank, інвесткамапнія Bahman Group, а таксама Іранская трактарная кампанія (ITMC). Вашынгтон таксама ўважае, што фінансаванне ажыццяўлялася праз іранскі Mehr Eqtesad Bank.

«Гэтая шырокая сетка (кампаній) падае фінансавую інфраструктуру сілам «Басідж» для вярбоўкі, навучання і інструктажу дзяцей, якіх затым адпраўляюць ваяваць у ініцыяваных КВІР канфліктах у рэгіёне», - гаворыцца ў паведамленні.

Юрыдычным і фізічным асобам ЗША забараняецца весці любы бізнэс з фігурантамі спісу, блакуюцца даляравыя разлікі і актывы фігурантаў у ЗША.

У ліпені Вашынгтон увёў санкцыі супраць турыстычнай кампаніі Mahan Travel, звязанай з іранскай авіякампаніяй Mahan Air, якая з 2011 года ўжо знаходзілася пад абмежаваннямі за перавозку «Корпуса вартавых ісламскай рэвалюцыі».