Чым беларусы выгадна адрозніваюцца на сусветным рынку працы

Стаць добрым спецыялістам сёння значна прасцей, чым дзесяць ці дваццаць гадоў таму.

Універсітэты ўжо не спраўляюцца з якаснай падрыхтоўкай спецыялістаў. Што прыходзіць на змену, і якіх работнікаў шукаюць цяпер кампаніі - пра гэта HR-экспэрт і ментарка ў развіцці кар'еры Аміна Ідзігава распавяла zautra.by.

Манаполія ўніверсітэтаў на адукацыю скончылася, збольшага з іх жа ўласнай віны. Так, немагчыма падрыхтаваць добрага лекара або юрыста без шматгадовага навучання, але ў большасці астатніх галін эканомікі ВНУ катастрафічна адстаюць ад попыту на рынку працы і рыхтуюць нават не ўчорашняга, а ўжо незваротна сышоўшага ў мінулае спецыяліста.

Універсітэт для работнікаў многіх сфер больш не патрэбны. Такая адукацыя ўсё радзей задавальняе прагрэсіўныя кампаніі, мяркуе Аміна Ідзігава.

Дыплом сыходзіць у мінулае

- Прадстаўнікі кампаній распавядаюць, як прыходзяць ва ўніверсітэты і прапануюць змены ў навучанні, а з імі згаджаюцца, просяць на гэта грошай, але кажуць, што падумаюць, бо ў іх ёсць праграмы, кіраўніцтва і проста ўзяць і нешта памяняць яны не могуць , - адзначае экспэртка.

У такіх умовах многія кампаніі прыняліся ўзгадоўваць работнікаў «пад сябе». Усё больш арганізацый робяць стаўку на свае курсы, якія дапамагаюць работнікам палепшыць прафесійныя кампетэнцыі і павучыцца ў ментараў.

- Важна, каб больш актыўна развівалася праслойка ў выглядзе электроннага або чалавечага ментарынга, якая дапамагала б чалавеку зразумець, хто ён ёсць цяпер і якія кірункі развіцця ён можа асвоіць, каб спатрэбіцца пэўнай кампаніі, - адзначае Аміна Ідзігава.

І ўсё ж спісваць універсітэты экспэрты не раяць. Яны ўсё яшчэ важныя для рынку, таму што дапамагаюць моладзі увайсці ў прафесійнае супольнасць, наладзіць важныя сувязі, атрымаць пэўны досвед. Тым больш яны заўсёды застануцца актуальнымі як інстытуты, дзе праводзяцца даследаванні, генеруюцца новыя якасныя веды.

- Фармальная адукацыя дае магчымасць знайсці чалавека, які ўплывае на фармаванне асобы і прафесійных густаў, у тым ліку падкажа, як зарыентавацца ў прафесіі, - мяркуе кіраўнік прыватнай школы STEAM Яўген Луферчык.

Работнікаў кампаніі шукаюць праз гульні

- Адукацыя і асабістыя якасці не настолькі важныя для кампаній. Высвятляецца, канвертацыя асабовых якасцяў у прадукцыйнасць у найлепшым выпадку дасягае 7%, а прафесійных навыкаў - 12%, - падзялілася Аміна Ідзігвва на Reshape 2018.

Некаторыя кампаніі адмаўляюцца ад спецыялістаў па найму работнікаў у карысць спецыяльна створаных гульняў, якія выяўляюць якасці і асаблівасці гульца, паказваючы, наколькі ён пасуе для абранай вакансіі. Цяпер пытанне ўваходу ў кампанію залежыць не столькі ад адукацыі, колькі ад кампетэнцый, а таксама магчымасцяў і жадання развівацца.

Прадукцыйнасць і поспех у працы сёння ўсё менш залежаць ад атрыманай работнікам адукацыі. А адны і тыя ж асабістыя якасці ў адной кампаніі пераканаюць работніка наняць кандыдата, а ў другой - гэтаму перашкодзяць. Тым не менш у беларусаў ёсць выгадныя рысы, якія вылучаюць іх на глабальным рынку працы. Гэта здольнасць крытычна ацэньваць задачы, узважваць «за» і «супраць», уменне комплексна падыходзіць да развязання праблем.

- Людзі постсавецкай прасторы не адказваюць адразу «так» на кожнае пытанне або задачу. Яны дзесяць разоў падумаюць, ці так хацеў замоўца, ці так гэта трэба рабіць, у выніку знаходзяць патрэбнае развязанне і прымудраюцца навязаць яго замоўцу, - адзначае Аміна Ідзігава.

Стаць выдатным спецыялістам у большасці сфер сёння значна прасцей, чым дзесяць ці дваццаць гадоў таму. Стандартная схема: школа, універсітэт, аспірантура, павольнае падвышэнне па кар'ернай лесвіцы - рассыпалася. Шматлікія курсы, саманавучанне, настойлівасць і сістэмнасць дапамагаюць людзям значна хутчэй атрымаць і развіць карысныя для працы навыкі, а рэалізаваць свой прафесійны і асабовы патэнцыял можна практычна адразу па прыходзе ў сучасную кампанію. Прычым выпускнікам ВНУ сёння даводзіцца канкураваць не толькі з аднагодкамі, якія пачынаюць кар'еру, але і з людзьмі старэйшымі, якія пакідаюць непрыбытковыя і састарэлыя прафесіі дзеля запатрабаваных на рынку працы. Час паказвае, што, з аднаго боку, сучасны чалавек пры дастатковых намаганнях досыць хутка можа стаць палепшанай версіяй сябе і дамагчыся вышынь у прафесіі, а з другога - без сталага развіцця і ўдасканалення вытрымаць канкурэнцыю становіцца ўсё складаней.