На аўтаспаборніцтвах пад Віцебскам гоншчык збіў суддзяў
4- 21.10.2018, 18:16
- 14,619
Здарэнне адбылося на закругленні трасы.
21 кастрычніка ў часе правядзення нацыянальнага спаборніцтва на Кубак Беларусі ў аўтамабільным кросе на трасе ў Тулаве пад Віцебскам адбыўся наезд аўтамабілем багі на суддзяў спаборніцтваў, піша onliner.by.
Здарэнне адбылося на закругленні трасы. Паводле папярэдняй інфармацыі, кіроўца не ўкіраваў і дапусціў заезд аўтамабіля на ўзвышша, дзе знаходзіліся суддзі, паведамляецца на сайце УУС Віцебскага аблвыканкама.
На месцы здарэння працуе следча-аператыўная група. Двое пацярпелых з пераломамі рознай ступені цяжкасці дастаўленыя ў медыцынскія ўстановы.
Неўзабаве ў сацыяльных сетках з'явіўся відэазапіс здарэння.
А потым на YouTube трапілі і першыя хвіліны пасля здарэння.
Спартовая акцыя праводзілася ў адпаведнасці з распараджэннем аблвыканкама аб правядзенні спаборніцтваў у аўтамабільным кросе. Арганізатарам з'яўляецца Віцебская абласная арганізацыйная структура рэспубліканскага дзяржаўна-грамадскага аб'яднання «ДТСААФ». У часе праверкі будуць прызначаныя патрэбныя экспэртызы, а таксама дадзеная прававая ацэнка падзеі.