Прадстаўнік «Раскосмасу»: Рагозіну трэба пачытаць гісторыю і паслухаць касманаўтаў

Словы кіраўніка «Раскосмасу» пра амерыканцаў на Месяцы ілюструе ягоную некампетэнтнасць.

Заява Дзмітрыя Рагозіна аб тым, што трэба праверыць, ці сапраўды амерыканцы пабывалі на Месяцы, з'яўляецца жартам, заявіў афіцыйны прадстаўнік дзяржкарпарацыі «Раскосмас», паведамляе Радио Свобода.

На думку кіраўніка камісіі РАН Яўгена Аляксандрава, такое выказванне кіраўніка «Раскосмасу» ілюструе ягоную некампетэнтнасць.

«Гэта, перш за ўсё, проста няведанне фактычнага боку справы Рагозіным. Яму трэба было б пачытаць гісторыю гэтай справы і паслухаць нашых касманаўтаў, якія з гэтай нагоды зусім вызначана і шмат разоў выказваліся. Існуе велізарная колькасць неабвержных довадаў таго, што амерыканцы былі сем разоў на Месяцы», - адзначыў Аляксандраў.

Раней паведамлялася, што кіраўнік «Раскосмасу» Дзмітрый Рагозін збіраецца праверыць, ці сапраўды NASA высаджвалася на Месяц.

«Мы такую задачу паставілі - паляцець праверыць: былі яны ці не былі... Яны кажуць, што былі, мы праверым», - заявіў Рагозін.