У Конга разбіўся самалёт з расейскім экіпажам

На борце знаходзілася 23 чалавекі.

Самалёт Ан-26 разбіўся ў Дэмакратычнай Рэспубліцы Конга (ДРК), на яго борце маглі знаходзіцца 23 чалавекі, у тым ліку як мінімум тры расейцы. Як піша «Новая газета», пра гэта паведаміў ТАСС са спасылкай на пасла Расеі ў ДРК Аляксея Сенцебава.

Сенцебаў заявіў, што колькасць чалавек, якія знаходзіліся ў самалёце, удакладняецца. «Цяпер пошукава-выратавальныя працы прадаўжаюцца, месца катастрофы самалёта, а таксама імёны і лёс пілотаў удакладняюцца», - сказаў пасол.

У размове з РБК Сенценбаў дадаў, што ёсць здагадка аб падзенні самалёта ў раку. «Усе тры чальцы экіпажа - грамадзяне Расеі, які працуюць у кампаніі Bon Air», - адзначыў суразмоўца выдання.

Паводле інфармацыі AFP загінулі не менш за шэсць чалавек. Reuters сцвярджае, што АН-26 арандавала выбарчая камісія Конга для транспартавання матэрыялаў да выбараў прэзідэнта, прызначаных на 30 снежня. Грузавое паветранае судна вярталася ў сталіцу ДРК - Кіншаасу з аднаго з памежных з Анголай гарадоў Чыкапу.

Суразмоўцы выдання La Libre сцвярджаюць, што тэхнічны стан Ан-26 быў вельмі дрэнны, а пілоты скардзіліся на перагрэтыя рухавікі самалёта. Сярод іншых прычын падзення - дрэнныя варункі надвор'я, дадалі крыніцы СМІ.