Аляксандр Наёк: Было б выдатна, калі б чэмпіянат Беларусі заканчваўся летам, а не зімой

Украінскі паўабаронца берасцейскага «Дынама» падзяліўся меркаваннем пра тое, што трэба змяніць у беларускім футболе.

Украінскі паўабаронца берасцейскага «Дынама» Аляксандр Наёк выказаў меркаванне, што Беларускай федэрацыі футбола варта было б задумацца пра перагляд тэрмінаў правядзення нацыянальнага чэмпіянату.

- Хацелася б, каб памянялі каляндар, і мы сканчалі не так позна. Таму што ўжо холадна і немагчыма нармальна гуляць. Гэта ўжо не футбол. Можа, федэрацыя ўсё ж такі захоча перайсці на іншы фармат чэмпіянату, як у еўрапейскіх краінах? Клімат мяняецца. Напэўна, было б выдатна, калі б чэмпіянат заканчваўся летам, а не зімой, - цытуе Наёка прэс-служба «Дынама».