БАТЭ падпісаў чарговага футбаліста з Сербіі

Кантракт з ФК БАТЭ падпісаў сербскі абаронца Нікола Васілевіч.

Пра гэта паведамляе афіцыйны сайт клуба.

27-гадовы навабранец «жоўта-сініх» з'яўляецца выхаванцам клуба «Колубара», за асноўны склад якога правёў у другім па рангу дывізіёне чэмпіянату краіны два з паловай сезоны (2009-11).

У пачатку 2012-га далучыўся да выступоўцу ў Суперлізе бялградскага ОФК, а ў розыгрышы-2013/14 даслужыўся да звання капітана каманды.

Затым наступіла пара легіянерства. У студзені 2015 года Нікола ўліўся ў шэрагі румынскага «Пандурый». І там атрымаў магчымасць дэбютаваць у еўракубках. У 3-м кваліфікацыйным раўндзе Лігі Еўропы - 2016/17 клуб з гораду Тыргу-Жыў двойчы саступіў ізраільскаму «Макабі» з Тэль-Авіва - 1:2, 1:3. У абедзвюх сустрэчах Васілевіч адыграў ад званка да званка.

У 2017 годзе ён выступаў за японскую «Такусіма Ворціс» (Д2). І вось цяпер стаў паўнапраўным футбалістам БАТЭ.

Нагадаем, раней з клубам падпісаў кантракт іншы сербскі абаронца Аляксандр Філіпавіч, а ў снежні ў каманду прыйшлі абаронца Захар Волкаў і нападнік Максім Скавыш.