Навукоўцы вывелі бульбу, якую не пашкоджвае каларадскі жук

Пры стварэнні такіх гатункаў бульбы метады геннай інжынерыі не ўжываліся.

Усяго праз пяць гадоў на рынку Канады могуць з'явіцца новыя гатункі бульбы, устойлівыя супраць каларадскага жука. Прычым навукоўцы запэўніваюць, што пры стварэнні такіх гатункаў метады геннай інжынерыі не ўжываліся, паведамляе superagronom.com.

Са слоў Хелен Тай, спецыяліста селекцыі бульбы ў канадскім даследчым цэнтры бульбы ў Фрэдэрыктан, навукоўцам атрымалася дамагчыся добрых вынікаў вывядзення гатункаў бульбы, якія не пашкоджвае каларадскі жук.

Як адзначылі навукоўцы, метады геннай мадыфікацыі раслін не ўжываліся, адпаведна, гэтыя гатункі не належаць да ГМА. Ад дзікіх відаў яны атрымалі «ў падарунак» хімічнае рэчыва, якое адпуджвае каларадскіх жукоў.

Два гатункі ўжо гатовыя да выпуску і кампаніі могуць падаваць заяўкі на набыццё эксклюзіўных правоў у конкурсным адборы. Пераможцы будуць агучаны ў сакавіку гэтага года, новыя гатункі могуць быць пададзены фермерам для продажу праз пяць гадоў.

Аднак гэта не адзіная прычына, неабходнасці ўкаранення альтэрнатыўных мер кантролю. Спецыялістка селекцыі адзначыла, што даследчыкі пацвердзілі ўстойлівасць каларадскага жука да імідаклапрыду, неанікатынойднага інсектыцыду, якія выкарыстоўваюць у барацьбе са шкоднікам.

- Сёння найлепшы час выбраць натуральную альтэрнатыву хімічнаму кантролю шкоднікаў. Акрамя таго, хімічны кантроль з'яўляецца дастаткова дарагім для вытворцаў, таксама ёсць арганічныя вытворцы, дзе вялікая патрэба ў бульбе з натуральнай устойлівасцю супраць жука, - падагульніла Хелен Тай.