ЗСУ знішчылі РСЗА «Смерч», якая ўдзельнічала ў абстрэлах Херсонскай і Мікалаеўскай абласцей

Відэа.

Байцы падраздзялення Lasar’s Group Нацыянальнай гвардыі Украіны знішчылі расійскую рэактыўную сістэму залпавага агню БМ-30 «Смерч» і транспартна-зарадную машыну на адлегласці каля 60 кіламетраў ад лініі фронту.

Украінскія нацгвардзейцы доўгі час выследжвалі варожую РСЗА, якую расійскія акупанты выкарыстоўвалі для абстрэлаў грамадзянскага насельніцтва Херсонскай і Мікалаеўскай абласцей.

Спачатку аналітыкі разведкі вывучылі агнявую актыўнасць праціўніка і вызначылі верагодны раён размяшчэння комплексу. Пасля гэтага экіпажы аэравыведкі выявілі замаскаваную РСЗА і транспартна-зарадную машыну ў сховішчы прыкладна за 60 кіламетраў ад лініі баявога сутыкнення.

Атрымаўшы каардынаты варожай тэхнікі, аператары цяжкіх дронаў-бамбардзіроўшчыкаў Lasar’s Group нанеслі серыю дакладных удараў па выяўленых цэлях.

У выніку атакі ўкраінскія абаронцы знішчылі пускавую ўстаноўку БМ-30 «Смерч» і транспартна-зарадную машыну.

Кадры паражэння і знішчэння расійскай тэхнікі абнародавала падраздзяленне Lasar’s Group НГУ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com