Зяленскі правёў новыя перамовы з камандай Трампа

У цэнтры ўвагі былі вынікі сустрэчы ўкраінскай і амерыканскай каманд у Фларыдзе.

Украіна і ЗША рыхтуюць новыя дыпламатычныя крокі, якія дапамогуць прыблізіць завяршэнне расійскай вайны.

Пра гэта заявіў украінскі прэзідэнт Уладзімір Зяленскі, паведамляе Charter97.org са спасылкай на яго допіс у Telegram.

Паводле слоў кіраўніка дзяржавы, ён правёў тэлефонныя перамовы са спецыяльнымі пасланцамі прэзідэнта ЗША Стывам Уіткофам і Джарэдам Кушнерам.

«Мір прыходзіць толькі дзякуючы сіле і супрацоўніцтву, якія будуюцца на даверы. Мы робім усё са свайго боку для гэтага і для таго, каб пазіцыя Амерыкі была моцнай і дапамагала прыблізіць мір, якога ўсе, апроч Расіі, чакаюць ужо больш як чатыры з паловай года», — падкрэсліў Зяленскі.

Паводле слоў прэзідэнта Украіны, на гэты раз у цэнтры ўвагі былі вынікі сустрэчы ўкраінскай і амерыканскай каманд у Фларыдзе.

Кіраўнік дзяржавы таксама адзначыў, што праца яго прадстаўнікоў і спецпасланцаў Дональда Трампа працягваецца бесперапынна.

«Гатуем таксама наступныя крокі ў дыпламатыі. Пастаянна інфармуем партнёраў пра рэальную сітуацыю з расійскімі абстрэламі, якія не спыняюцца ні на хвіліну, і пра пытанні СПА. Менавіта ад пазіцыі Амерыкі тут шмат што залежыць. Украіна і далей гатовая працаваць канструктыўна, сумленна і на рэальны вынік», — падкрэсліў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com