У Маскве на акцыі супраць блакавання Telegram затрымалі экс-удзельніцу Pussy Riot
- 17.04.2018, 10:50
- 10,411
Паводле словаў Марыі Алёхінай, усяго на акцыі былі затрыманыя 13 чалавек.
Супрацоўнікі паліцыі ў Маскве 16 красавіка затрымалі былую ўдзельніцу Pussy Riot Марыю Алёхіну, паведамляе Meduza.
На Лубянскай плошчы ў сталіцы Расеі актывісты зладзілі акцыю ў абарону мэсэнджара Telegram. Яе ўдзельнікі кідалі папяровыя самалёцікі ў будынак ФСБ.
Разам з Алёхінай за парушэнне грамадскага парадку былі затрыманыя яшчэ некалькі чалавек, у тым ліку актывіст Дзмітрый Царыёнаў (Энтэа).
Алёхіна напісала ў Twitter, што ўсяго затрыманыя 13 удзельнікаў акцыі на Лубянскай плошчы.
Паводле ейных словаў, у дачыненні да іх складзеныя адміністрацыйныя пратаколы пра парушэнне парадку арганізацыі або правядзення масавага мерапрыемства, іх пакінулі на ноч у АУС Мяшчанскае.
Нас оставляют в ОВД Мещанское на ночь за то, что мы запускали самолётики в ФСБ.
— Мария Алехина (@all_mary) 16 апреля 2018 г.
13 человек. Всем 20.2.
доброй ночи ✈️ pic.twitter.com/2yCDekHGGd
Доступ да Telegram на тэрыторыі Расеі пачалі блакаваць 16 красавіка пастановай суда. Да гэтага ўласнікі мэсэнджара адмовіліся выдаць спецслужбам РФ ключы для дэкадавання паведамленняў.
