Беларусь уключылі ў рэйтынг паспяховых краін у прафесійным боксе

Украіна ў рэйтынгу дзеліць 5-6 месцы з Расеяй.

У спіс краін-лідараў у прафесійным боксе ўвайшлі дзяржавы, якія маюць сваіх дзейных чэмпіёнаў свету паводле версіяў WBC, WBO, IBF і WBA.

Сайт аб прафесійным боксе і ММА boxing-mma.com склаў рэйтынг па колькасці баксёраў ва ўсіх вагавых катэгорыях, якія на гэты момант валодаюць тытулам чэмпіёна свету, паведамляе Thinktanks.by.

Пад увагу браліся толькі чатыры асноўныя версіі - WBC, WBO, IBF і WBA. Калі баксёр валодае паясамі паводле некалькіх версій, то ён улічваецца толькі адзін раз. Да таго ж, мы не ўлічвалі «рэгулярных» чэмпіёнаў пры ўмове, што ёсць «суперчэмпіён» (гэта належыць да WBA). Пры гэтым улічваліся «часовыя» чэмпіёны, пры ўмове, што няма чэмпіёна паўнавартаснага. У многіх вагавых катэгорыях былі вакантныя тытулы, вядома, першыя нумары рэйтынгу ў такім выпадку пад увагу не браліся. Высветлілася, што на сённяшні дзень паясамі чэмпіёна свету валодаюць 59 баксёраў.

Першае месца традыцыйна ўтрымлівае ЗША, менавіта гэтую краіну называюць мекай бокса, менавіта тут праводзяцца самыя моцныя баксёрскія вечара. На гэты момант ёсць 13 амерыканскіх баксёраў, якія валодаюць чэмпіёнскімі паясамі. Другое месца займае Японія (7 чэмпіёнаў), трэцяе і чацвёртае дзеляць Вялікабрытанія і Мексіка (па 6).

Украіна ў рэйтынгу дзеліць 5-6 месцы з Расеяй - у дзвюх краін па чатыры чэмпіёны свету. Ва Украіне гэта Аляксандр Вусік, Аляксандр Гвоздзік, Васіль Ламачэнка і Арцём Далакян, у Расеі - Мурат Гасіеў, Сяргей Кавалёў, Дзмітрый Бівал і Артур Бетэрбіеў. Найбліжэйшым часам адна з краін павінна вырвацца наперад - пасля бою Вусік - Гасіеў у адной стане пяць чэмпіёнаў, у другой застанецца тры. Гэта пры ўмове, што да таго моманту астатнія баксёры захаваюць свае паясы.

Нагадаем, у сакавіку баксёр з Беларусі Кірыл Рэліх здабыў перамогу ў паядынку за тытул чэмпіёна свету паводле версіі Сусветнай баксёрскай асацыяцыі (WBA). Спаборнікам беларуса быў кубінец Рансес Бартэлемі. Бой праходзіў у першай паўсярэдняй вазе да 63,5 кг.

Паядынак складаўся з дванаццаці раўндаў. Паводле вынікаў набраных балаў перамогу здабыў Кірыл Рэліх. Раней ён ужо змагаўся за чэмпіёнскі тытул, але саступіў байцу Рыкі Бернс з Вялікабрытаніі.

28-гадовы прафесійны баксёр, майстар спорту Кірыл Рэліх родам з Баранавічаў. Ён прызёр першынство Еўропы 2006 года, чэмпіён Беларусі 2008, удзельнік чэмпіянату Еўропы 2008 года, фіналіст Чэмпіянату Беларусі 2009-2010, пераможца Кубка Беларусі 2008-2009.