Завод, які выбухнуў пад Менскам, напярэдадні выставілі на продаж

Прадпрыемства прадавалася за $6 мільёнаў.

22 траўня пад Менскам выбухнуў цэх завода «Алкід», які выпускаў бітумна-палімерныя эмульсіі і масцікі. Прадпрыемства працуе з 1992 года, але новы цэх у Каралёвым Стане пабудавалі ў 2013 (да гэтага прадпрыемства размяшчалася ў Ждановічах). У выніку выбуху пацярпелі чацвёра супрацоўнікаў заводу. У той момант трое з іх знаходзіліся ў цэху, цяпер яны ў Лякарні хуткай дапамогі ў Менску, піша kp.by.

Двое супрацоўнікаў знаходзяцца ў цяжкім стане, у аднаго з іх - апёкі 60% цела. Са слоў лекараў, мужчыну спатрэбіцца доўгая лячэнне - перасадка скуры і інтэнсіўная тэрапія. Яшчэ адзін пацярпелы - у аддзяленні спалучаных траўмаў, у яго пераломы ад падзення абломкаў. Яшчэ хуткая дапамога везла з месца здарэння дырэктара завода «Алкід» Уладзіміра Сахадзе. Ён атрымаў невялікі апёк правай кісці - кажуць, падчас таго, як спрабаваў выратаваць сваіх супрацоўнікаў.

Ён быў агледжаны ў прыёмным аддзяленні, яму была нададзеная першая дапамога, пасля чаго дырэктара адпусцілі на амбулаторнае лячэнне. На месцы надзвычайнага здарэння працуюць следчыя - яны высвятляюць прычыны выбуху.

Як атрымалася даведацца журналістам, нядаўна завод «Алкід» выставілі на продаж. У распараджэнні апынулася прэзентацыя з падрабязным апісаннем завода і бізнэсу кампаніі.

Ёсць апісанне цэха, што выбухнуў цэха: 850 квадратаў, каркас з металаканструкцый, сцены з уцепленых сэндвіч-панэляў, вышыня столі - 12 метраў. Таксама на прадпрыемстве ёсць трохпавярховы адміністрацыйны корпус (ён не пацярпеў), склад і падземныя рэзервуары для захоўвання лёгкаўзгаральных вадкасцяў - усяго пяць ёмістасцяў. Рэзервуары знаходзяцца звонку асноўнага цэха, сёння яны не пацярпелі. У прэзентацыі сказана, што ў прадпрыемства адзіны ўласнік.

Як атрымалася даведацца журналістам, уласнік прадпрыемства - гэта і ёсць яго дырэктар Уладзімір Сахадзе. Ён заслужаны вынаходнiк СССР, кандыдат тэхнічных навук, у 2011 годзе па выніках рэспубліканскага конкурсу «На найлепшае дасягненне ў будаўнічай галіне» атрымаў годнасць «Кіраўнік года».

На некаторых профільных пляцоўках пазначаны кошт, які просяць за завод «Алкід» -12.000.000 беларускіх рублёў (гэта 6 мільёнаў даляраў). Праўда, прадстаўнік завода, адказны за перамовы, адмовіўся ад якіх-небудзь каментароў.