Блок Ангелы Меркель апярэджвае сацыял-дэмакратаў ужо напалову

Рэйтынг блока канцлеркі Нямеччыны складае ўжо 34%.

Рэйтынг найстарэйшай нямецкай партыі – Сацыял-дэмакратычнай партыі (СДПГ) – прадаўжае зніжацца, цяпер ён складае 17%.

Такія вынікі апытання Інстытута даследавання грамадскай думкі Emnid для Bild am Sonntag, паведамляе FAZ (пераклад – «Еўрапейская праўда»).

Партнёры СДПГ у вялікай кааліцыі, блок канцлеркі Ангелы Меркель ХДС–ХСС затое набраў 2 адсоткавыя пункты, і цяпер ягоны рэйтынг складае 34%.

Такім чынам, кансерватары апярэджваюць сацыял-дэмакратаў роўна напалову.

Трэцяй самай моцнай палітычнай сілай застаецца ўльтраправая «Альтэрнатыва для Нямеччыны» з 14%.

Зялёныя маюць падтрымку 12%, Левыя страцілі адзін пункт і маюць 10%. Свабодная дэмакратычная партыя набірае толькі 8%.

Нагадаем, 22 красавіка лідаркай Сацыял-дэмакратычнай партыі Нямеччыны (СДПГ) стала Андрэа Налес – жанчына стала на чале гэтай палітычнай сілы ўпершыню ў яе 155-гадовай гісторыі.