Названыя найлепшыя кірункі для адпачынку гэтым летам

Некалькі цікавых варыянтаў для летняга адпачынку.

Грэцыя – Антычнасць у сучаснасці

Ідэальна падыходзіць для летняга адпачынку і для тых, у каго адпачынак выпаў на верасень. Нават у другой палове верасня тут захоўваецца выдатнае надвор'е для адпачынку на пляжы, наведвання гістарычных помнікаў і старадаўніх манастыроў, піша сайт novostiua.net.

Інданезія – два акіяны за адно лета

Краіна спадабаецца аматарам кантрастаў і ўсяго незвычайнага. За адну паездку вы пазнаёміцеся з мусульманскай культурай, спакойным укладам жыцця індуісцкіх манахаў, атрымаеце асалоду ад выдатнай жывой прыроды і ўбачыце сучасныя шматаблічныя мегаполісы. Прыемны дадатак паездкі – магчымасць пакупацца ў водах двух акіянаў.

Італія – візіт у эпоху Рэнесансу

Акрамя самых чыстых пляжаў свету, «італьянскі бот» сустрэне вас буцікамі, парфумнымі крамамі і мноствам помнікаў, музеяў і старадаўніх архітэктурных аб'ектаў. Рым, Неапаль, Венецыя – назвы гэтых гарадоў уплеценыя ў гісторыю, а сцены дамоў і вулак прасякнутыя ёю.

Індыя – краіна кастаў і касмічных тэхналогій

Тут арганічна спалучаюцца мільярд жыхароў, нізкія кошты на жыллё і харчаванне, казачны адпачынак. На радзіме санскрыту старажытныя культурныя традыцыі трывала ўпляліся ў сучаснае грамадства. Вас чакаюць джунглі, пустыні і раўніны, велічныя Тыбет і Гімалаі, святы Ганг і выдатны Гоа.

Кіпр – востраў шчасця

Мяккая зіма і цёплае лета круглы год вабяць плыні турыстаў. Купацца ў моры тут можна з траўня да кастрычніка, а атрымліваць асалоду ад цудоўнай прыроды – круглы год. Кіпр аднолькава падыходзіць для тых, каму патрэбен сямейны, рамантычны ці актыўны адпачынак. Чыстыя пляжы і гасцінны сэрвіс прымусяць вас адчуваць сябе лепш, чым дома.

Гішпанія – каралеўскі адпачынак у Еўропе

Пляжы гэтага еўрапейскага каралеўства выходзяць на Атлантычны акіян і Міжземнае мора. Ласкавае сонца і цёплая вада чакаюць вас з красавіка да лістапада, але тым, хто не любіць моцную спякоту, лепш не прыязджаць сюды ў ліпені і жніўні. Тут вы ўбачыце ўнікальныя чорныя пляжы і знойдзеце выдатныя месцы для моладзевага і сямейнага адпачынку.