Трамп можа ўвесці санкцыі супраць кампаній, якія былі задзейнічаныя ў праекце «Паўночная плынь-2»

Могуць пацярпець пяць еўрапейскіх кампаній.

Прэзідэнт ЗША Дональд Трамп можа ўвесці санкцыі ў сувязі з расейскім газатранспартных праектам «Паўночны струмень – 2». Пра гэта заявіў старшы навуковы супрацоўнік Atlantic Council, швэдска-амерыканскі эканаміст Андэрс Аслунд у эфіры праграмы «БАЦМАН» галоўнай рэдактаркі выдання «Гордон» Алесі Бацман на канале «112 Україна».

«Трамп ненавідзіць «Паўночны струмень – 2». Магчыма, ён наважыцца ўвесці санкцыі. Цяпер існае заканадаўства ЗША дае яму такія правы», - сказаў Аслунд.

Ён адзначаў, што праект могуць і не рэалізаваць праз матэрыяльныя і тэхнічныя цяжкасці і санкцыі супраць бізнэсоўцаў Генадзя Цімчанкі і Аркадзя Ротэнберга.

«Паўночны струмень – 2» - другі газаправод, які звяжа Расею з Нямеччынай па дне Балтыйскага мора. Працягласць маршруту - больш за 1200 км, магутнасць новага трубаправода складзе 55 млрд м³ газу на год.

Кошт праекта - 9,5 млрд еўра, яго напалову фінансуюць расейскі «Газпром» і пяць еўрапейскіх кампаній. У «Газпроме» прагназуюць, што «Паўночны струмень – 2» увядуць у эксплуатацыю да канца 2019 года.

Улады Украіны, Польшчы, Вугоршчыны, Малдовы, Румыніі, Чэхіі, Славаччыны, Латвіі, Літвы і Эстоніі ўважаюць «Паўночны струмень – 2» за пагрозу для энэргетычнай бяспекі Еўропы. Прэм'ер-міністр Польшчы Матэвуш Маравецкі называў газаправод новай гібрыднай зброяй Расеі супраць Захаду.

Нямеччына, Фінляндыя і Швэцыя дазволілі ўзводзіць трубаправод на сваёй тэрыторыі. Данія - пакуль не.

Кіеў намагае, што Расея павінна захаваць транзіт газу праз тэрыторыю Украіны пасля будаўніцтва «Паўночнага струменю – 2». Са слоў прэзідэнта РФ Уладзіміра Пуціна, пастаўкі газу праз Украіну будуць залежаць ад эканамічнай мэтазгоднасці.

Паводле звестак амерыканскага часопіса Foreign Policy, ЗША неўзабаве могуць увесці санкцыі супраць пяці еўрапейскіх кампаній, задзейнічаных у праекце «Паўночны струмень – 2».