У Нідэрландах знікнуць турмы?
8- 23.06.2018, 20:34
- 14,926
Больш за траціну галандскіх турмаў пустуе.
Са звестак нацыянальнага бюро статыстыкі Нідэрландаў, у 2017 годзе пуставала траціна месцаў у турмах краіны - 5,1 тысячы ложкаў з 13,5 тысяч. З 1980-х гадоў узровень злачыннасці ў Нідэрландах увесь час зніжаецца, і ў 2017 годзе ён склаў 49 выпадкаў на тысячу чалавек, піша «Европульс».
У сувязі з гэтым утрыманне турмаў становіцца клопатам для нацыянальнага бюджэту. У 2013 годзе ў Нідэрландах зачынілі адразу 19 месцаў пазбаўлення волі. Гэта прывяло да незадаволенасці і пратэстаў сярод работнікаў турмаў. Каб захаваць частку іх працоўных месцаў, урад нават стаў «імпартаваць» зняволеных з Нарвэгіі ды Бэльгіі, але ўсё адно зняволеных у Нідэрландах становіцца ўсё менш. Цяпер урад Нідэрландаў плануе закрыць яшчэ 4 турмы.