У Пецярбургу прайшла акцыя супраць павышэння пенсійнага ўзросту
7- 15.07.2018, 20:39
- 12,997
Блізу двух дзясяткаў актывістаў правялі «забег па пенсію».
У Санкт-Пецярбургу блізу двух дзясяткаў актывістаў выйшлі на Коннагвардзейскі бульвар і правялі так званы «забег па пенсію», які стартаваў ад офіса Адзінай Расеі, паведамляе «Радыё Свабода».
Чалавек-пенсія ў спецыяльнай «пенсійнай» футболцы бег наперадзе, астатнія спрабавалі яго дагнаць, але ў іх гэта не занадта атрымлівалася. Са слоў аднаго з арганізатараў тэатралізаванай акцыі Вадзіма Сухадольскага, яе сэнс - менавіта ў тым, каб паказаць безнадзейнасць пагоні за пенсіяй праз пастаяннае павелічэнне пенсійнага ўзросту, да якога, магчыма, будзе і надалей звяртацца ўрад. Арганізатары акцыі - рух «Время», якое з'явілася ў выніку рэбрэндынгу пасля расколу ўнутры моладзевага руху «Вясна».
Маладыя людзі наважылі правесці сваю пратэстную акцыю ў апошні дзень чэмпіянату свету ў футболе і выбралі для яе «спартыўны фармат», які паказвае без плакатаў і лозунгаў, што ад пенсійнай формы грамадзянам стане горш. Удзельнікі акцыі хацелі таксама нагадаць, што ўрад абвясціў аб правядзенні маштабнай пенсійнай рэформы ў Расеі месяц таму, 14 чэрвеня, у дзень пачатку чэмпіянату свету ў футболе.
Паколькі акцыя праходзіла не ў выглядзе пікета ці мітынгу, супрацоўнікі паліцыі не перашкаджалі яе правядзенню, але ўвесь час былі побач і здымалі тое, што адбываецца на відэа. Удзельнікам «забегу па пенсію» ўдалося пераадолець запланаваны маршрут ад Коннагвардэйскага бульвара міма Ісакіеўскага сабора да Дварцовай плошчы.