У Маскве каля будынка ўрада правялі дзёрзкую акцыю ў падтрымку Сянцова
- 21.07.2018, 17:41
- 8,615
Актывісты падтрымалі ўкраінскага палітвязня.
У Маскве каля будынка ўрада Расеі вывесілі плакат з партрэтам украінскага рэжысёра Алега Сянцова і хэштэгам #SaveOlegSentsov, паведамляе ў Twitter актывіст Дзяніс Стяжкін. Плакат жоўтага колеру з надпісам: "Свабоду палітычным вязням!" актывісты павесілі на мосце, піша "Гордон".
#Москва активисты вывесили баннер #СвободуСенцову на фоне Белого дома#FreeSentsov pic.twitter.com/IqPb1vb494
— Денис Стяжкин (@styazshkin) 21 июля 2018 г.
Сянцоў быў асуджаны ў РФ да 20 гадоў пазбаўлення волі 25 жніўня 2015 года. Расейскі суд прызнаў яго вінаватым у стварэнні ў Крыме тэрарыстычнай групоўкі і кіраўніцтве ёй, замаху на набыццё выбуховых прыладаў і незаконным захоўванні агнястрэльнай зброі і боепрыпасаў, двух тэрарыстычных актах і падрыхтоўцы яшчэ аднаго тэракту. Сянцоў сваёй віны не прызнаў.
