Ізраіль і ХАМАС дамовіліся аднавіць перамір'е ў сектары Газа
- 21.07.2018, 21:02
- 5,292
Дамоўленасць была дасягнутая намаганнямі Егіпта і ААН.
Улады Ізраіля і прадстаўнікі палестынскага ісламісцкага руху ХАМАС дамовіліся аднавіць перамір'е ў сектары Газа. Пра гэта Reuters паведаміў прэс-сакратар руху Фаўзі Бархум. Паводле ягоных словаў, дамоўленасць была дасягнутая «намаганнямі Егіпта і ААН», паведамляе РБК.
Напярэдадні Ізраіль папярэдзіў ХАМАС пра магчымасць «буйной і балючай» аперацыі ў сектары Газа. Паводле словаў кіраўніка Мінабароны Ізраіля Авігдора Лібермана, да гэтага ізраільскіх вайскоўцаў падштурхоўваюць «дзеянні лідараў ХАМАС».
Пасля гэтага ВПС Ізраіля нанеслі множныя ўдары па аб'ектах ХАМАС у сектары Газа. У адказ палестынцы абстралялі тэрыторыю Ізраіля, пры гэтым загінуў ізраільскі вайсковец. Таксама ізраільская сістэма СПА «Жалезны купал» перахапіла дзве ракеты, выпушчаныя з тэрыторыі сектара Газа.