Колькі можна купіць мяса і малака на польскую і беларускую «мінімалку»
22- 15.09.2018, 21:03
- 23,845
Адчуйце розніцу.
«Салідарнасць» параўнала польскую «мінімалку» з беларускай і высветліла, колькі ж паляк і беларус могуць купіць на свае малыя заробкі прадуктаў?
З 1 студзеня 2019 года мінімальны заробак у Польшчы будзе складаць 2250 злотых. Гэта блізу 380 еўраў «на рукі». Шмат гэта ці мала, найлепш паглядзець у параўнанні.
Мінімальны заробак беларуса таксама за 300, праўда, рублёў. А калі быць дакладным, то 305.
Але, магчыма, таннасць беларускіх прадуктаў, пра якія кажуць улады, зможа кампенсаваць розніцу паміж заробкамі і не дасць беларусу адчуць сябе бяднейшым? Возьмем пяць прадуктовых пазіцый: курыцу (для масавага спажыўца), свіную выразку (для пераборлівых гурманаў), малако (куды ж мы без малака!), бананы (для аматараў прывазной экзотыкі) і гарэлку (тут тлумачыць не трэба).
Для пачатку высветлім кошты і беларускіх і польскіх крам.
А цяпер палічым, колькі ж польская і беларуская «мінімалка» будзе ў кураціне, свініне, малацэ, бананах і гарэлцы.
2250 злотых = 225 кг курыцы = 102 кг свініны = 750 л малака = 300 кг бананаў = 64 бутэлькі
305 рублёў = 72 кг курыцы = 20 кг свініны = 179 л малака = 135 кг бананаў = 50 бутэлек гарэлкі
Ну што вы параўноўваеце! - скажа ўражлівы чытач. - Вунь у Польшчы якія велізарныя камунальныя выдаткі, а за нас частку плаціць дзяржава!
Што ж, выпраўляемся. Пералічым заробкі пасля выплаты асноўных плацяжоў. Паводле сайта gopl.by, у сярэднім на камунальныя выдаткі ў паляка выходзіць 500 злотых, у беларуса - 140 рублёў.
Пасля выліку гэтай сумы атрымліваем у тых жа прадуктах.
1750 злотых = 175 кг курыцы = 79 кг свініны = 583 літры малака = 233 кг бананаў = 50 бутэлек
165 рублёў = 39 кг курыцы = 11 кг свініны = 97 л малака = 73 кг бананаў = 27 бутэлек гарэлкі
Гэта значыць, нават у такім рэгуляваным па цане беларускім прадукце, як малако, мы саступілі палякам у 6 разоў!
Вось неяк так.