Генерал Білецкі: «Паўночная кляшня» РФ у Данецкай вобласці разгромленая

ЗСУ дасягнулі важнага поспеху пад Святагорскам.

Расійскія войскі страцілі магчымасць акружыць гарады-крэпасці Данецкай вобласці з поўначы. Сітуацыя ў раёне Добрапольля застаецца складанай.

Як паведамляе «Укрынформ», пра гэта ў тэлеэфіры заявіў камандзір Трэцяга армейскага корпуса, брыгадны генерал Андрэй Білецкі.

«У расіян быў план на Данецкім напрамку — гэта акружэнне так званых гарадоў-крэпасцяў з поўначы і поўдня. З поўдня гэта было акружэнне праз Добрапольле, а з поўначы — праз гэты выступ, які цяпер зразаецца, на горад Святагорск яно ішло і далей... да населенага пункта Барвінкава, дзе гэтыя дзве «кляшні» расійскай арміі — добрапольская з поўдня і святагорская з поўначы — павінны былі замкнуцца», — сказаў Білецкі.

Сітуацыя ў раёне Добрапольля застаецца складанай

Паводле яго, прасоўванне расійскіх войскаў паблізу Добрапольля ўдалося спыніць яшчэ летась. Цяпер абстаноўка ў гэтым раёне застаецца складанай, аднак украінскія сілы яе кантралююць.

«Паўночная ж кляшня фактычна разгромленая і знішчаная», — адзначыў камандзір Трэцяга корпуса.

РФ можа перайсці да лобавога штурму гарадоў

Білецкі падкрэсліў, што цяпер крытычна важна «паралізуючы лагістыку, паралізуючы тылы, не даваць расіянам магчымасці аднавіць гэта наступленне».

«Тады ім давядзецца штурмаваць Славянска-Краматорскую, Дружкоўска-Канстанцінаўскую агламерацыю ў лоб. А штурмаваць у лоб гэтыя гарады — гэта значна больш балючае і затратнае для іх, чым спрабаваць іх акружыць і фактычна... узяць без бою», — патлумачыў камандзір Трэцяга корпуса.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com