Беларус стаў галоўным трэнерам «Сібіры»

Аляксандр Андрыеўскі будзе ўзначальваць хакейны клуб да канца сезону.

Новым галоўным трэнерам новасібірскай «Сібіры» стаў беларускі спецыяліст Аляксандр Андрыеўскі, піша tut.by.

Пагадненне з Андрыеўскім, які раней узначальваў у КХЛ менскае «Дынама» і Уладзівастоцкі «Адмірал» разлічанае да канца сезона.

Раніцай клуб абвясціў аб звальненні Уладзіміра Юрзінава-малодшага, пад кіраўніцтвам якога «Сібір» саступіла ўсе шэсць матчаў у гэтым сезоне.

З 2014 да 2017 года «Сібір» узначальваў іншы беларускі спецыяліст Андрэй Скабелка.