Гол гандбаліста БГК прызнаны найлепшым у першым туры Лігі чэмпіёнаў

Топ-5 узначаліў гол Аляксандра Шкурынскага.

Сайт ehftv.com назваў пяцёрку найлепшых мячоў у 1-м туры гандбольнай Лігі чэмпіёнаў.

Топ-5 узначаліў гол Аляксандра Шкурынскага, які гандбаліст БГК імя Мяшкова закінуў на 28-й хвіліне матчу «Крыстыянстад» - БГК. Асісціравалі берасцейскаму леваму паўсярэдняму Сандра Абранавіч і Дарка Джукіч.

Акрамя таго, гандбаліст БГК Сандра Абранавіч названы найлепшым разыгрываючым у 1-м туры Лігі чэмпіёнаў.

Ён закінуў 8 мячоў у пераможным для БГК матчы супраць шведскага «Крыстыянстада», адзначае прэс-служба БГК.