Найноўшы пікап Ram прадалі за $1,5 мільёна

Яго набыў генеральны дырэктар UFC Дэна Уайт.

У ЗША на аўкцыёне Barrett-Jackson быў прададзены дапрацаваны пікап Ram 1500 Rumble Bee. За аўтамабіль заплацілі 1,5 мільёна долараў.

Такая цана на Ram 1500 Rumble Bee з'яўляецца рэкорднай для аўтамабіляў амерыканскага брэнда. Пра гэта паведамляецца на сайце Autoevolution.

На аўкцыён выставілі першы пікап Ram 1500 Rumble Bee, які кастамізавалі ў межах новай праграмы Direct Connection. Магутнасць 6,2-літровага кампрэсарнага V8 павялічылі з 777 да 900 к.с., што дазваляе разганяцца да сотні прыкладна за 3 секунды.

Акрамя таго, цюнінгаваны пікап атрымаў спартыўную выхлапную сістэму, заніжаную падвеску і чорныя 22-цалевыя дыскі, а яго кузаў упрыгожылі графікай ручной работы.

Звычайная цана Ram 1500 Rumble Bee Direct Connection пачынаецца з 95 тыс. долараў, то бок за 5 хвілін аўкцыёну пікап падаражэў прыблізна ў 15 разоў.

Пакупніком аўтамабіля стаў генеральны дырэктар чэмпіянату па адзінаборствах UFC Дэна Уайт, а ўсе выручаныя сродкі пойдуць на дабрачыннасць — у фонд дапамогі дзецям загінулых ваенных, паліцэйскіх і пажарных.

Акрамя таго, пакупнік атрымаў у падарунак яшчэ і калекцыйны пікап Ram 1500 SRT-10 выпуску 2005 года з 8,3-літровым рухавіком V10 магутнасцю 500 к.с. ад Dodge Viper. Аўтамабіль таксама адрозніваецца адмысловай афарбоўкай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com