З расейскіх банкаў вывелі $6 мільярдаў за месяц

Адток валюты з расейскай банкаўскай сістэмы зноў паскорыўся.

За жнівень карпаратыўныя кліенты вывелі з рахункаў 4,9 млрд даляраў - на 60% больш, чым у ліпені (3 млрд), піша finanz.ru.

Часткова грошы сышлі на выплату замежнай пазыкі, рэфінансаванне якой дэ-факта спынілася праз абвостраныя стасункі з Захадам. Паводле графіку ЦБ, кампаніям і банкам трэба было выплаціць 3,1 млрд даляраў.

Некаторыя кліенты маглі выводзіць сродкі з банкаў РФ, здымаючыгатоўку або ў замежныя юрысдыкцыі, "на асцярогах увядзення супраць іх жорсткіх санкцый", у тым ліку забароны на даляравыя разлікі, адзначае Райффайзэнбанк.

Заявы кіраўніка ВТБ Андрэя Косціна аб тым, што даляравыя ўклады могуць быць канвертаваныя ў рублі, тым часам напалохалі насельніцтва.

Фізічныя асобы далучыліся да карпарацый і знялі з рахункаў больш як 1,1 млрд даляраў. Яшчэ 600 млн даляраў вывелі з дэпазітаў у Расеі замежныя банкі.

Сумарна з крэдытна-дэпазітных аперацый з банкаўскай сістэмы выцекла 6,4 мільярдаў даляраў, у выніку ў шэрагу ўдзельнікаў банкаўскай сістэмы "узнік востры дэфіцыт валютнай ліквіднасці", гаворыцца ў аглядзе Райффайзэнбанка.

Кампенсаваць яго давялося за кошт рэзерваў ЦБ: у пачатку верасня рэгулятар уклаў у банкаўскую сістэму 2,6 млрд даляраў праз аперацыі своп, практычна рэкордную ў гісторыі суму.

Каб кампенсаваць адток валюты, банкі працягнулі спусташаць уласныя рахункі і дэпазіты за мяжой, з якіх было канфіскавана 2,8 млрд даляраў.

"Астатнія 2,3 млрд даляраў адтоку банкі кампенсавалі за кошт рублёвых сродкаў", - адзначае Райффайзэнбанк: рублі канвертаваліся ў валюту на рынку, узмацняючы ціск на курс.

Запасы свабоднай валюты ў банкаўскай сістэме зменшыліся да 300 млн даляраў - настолькі ўласныя рэзервы ў выглядзе ліквідных актываў і замежных рахункаў перавышалі абавязанні перад кліентамі.

"У кастрычніку-лістападзе сітуацыя з валютнай ліквіднасцю будзе паляпшацца", мяркуюць аналітыкі Райффайзэнбанка: ЦБ абяцаў да канца года не купляць валюту рынку, рызыка жорсткіх санкцый з забаронай на даляравыя разлікі для дзяржбанкаў знізілася, а дарагая нафта прынясе ў краіну 20-24 млрд даляраў чыстага прытоку на рахункі бягучых аперацый.

Гэтая валюта кампенсуе магчымы адток нерэзідэнтаў з АФЗ у выпадку абвяшчэння санкцый.