Лукашэнка звольніў свайго памочніка Субоціна

Яго сваталі на месца Сідорскага.

Аляксандр Субоцін і Віктар Назаранка афіцыйна страцілі свае высокія пасады ў Беларусі, паведамляе tut.by.

Назаранка вызвалены ад пасады старшыні Дзяржкамітэта ў стандартызацыі. Субоцін перастаў быць памочнікам Лукашэнкі - інспектарам Віцебскай вобласці. Адпаведныя ўказы сёння падпісаў Аляксандр Лукашэнка.

Прычыны адставак - пераход на іншую працу.

У ліпені стала вядома, што два беларускія міністры пакідаюць Еўразійскую эканамічную камісію ў Маскве. Менск адклікаў сябра калегіі (міністра) у прамысловасці і аграпрамысловага комплексу Сяргея Сідорскага і сябра калегіі (міністра) у тэхнічным рэгуляванні Валерыя Карашкова.

Субоцін быў закліканы замяніць Сідорскага, Назаранка - Карашкова.