У Берасці на Вадохрышча людзі купаліся ў купелі, якую царква адмовілася асвячаць

У Берасці на Вадохрышча тутэйшыя жыхары акуналіся ў палонку на вяслярным канале.

Як паведамляе «Еўрарадыё», сёлета праваслаўная царква адмовілася асвячаць купелі, аднак людзі ўсё адно прыйшлі сюды для акунання.

Яны не толькі занураліся ў ледзяную ваду, але набіралі напой "для хатняга выкарыстання".

На месцы працавалі ратавальнікі ТВВ, «хуткая дапамога» і Чырвоны Крыж, які арганізаваў месцы для абагравання.

Прадстаўнікі праваслаўнай царквы раней тлумачылі, што акунанне ў палонку на Вадохрышча з'яўляецца ў большай ступені народным звычаем. Верніку ў гэты дзень важней узяць удзел у набажэнстве, пры магчымасці прайсці споведзь і прычасціцца, а таксама ўзяць святой вады.